約會第一日，就已經認定男友，而男友同時求婚。。。
卓韻芝早前開騷時自爆出櫃，但去年11月又話自己有新戀情，仲話男友知道佢係雙性戀添！
點知佢拍拖一陣，就結咗婚，佢喺自己本新書度自爆：「我要結婚了，就跟你。」仲話約會第一日，就已經認定男友，話要嫁畀佢呀！佢選擇喺情人節前夕公布喜訊，真係夠晒sweet喇！
去年11月被爆與現時的男友發展姊弟戀的卓韻芝，拍拖短短三個月，於情人節前夕的今日突然宣布結婚！接受記者訪問時講到求婚經過，她笑言約會第一日已被求婚：「約會嘅第一日完咗之後，佢就打電話畀我話要娶我，我就覺得都好，個感覺好清晰，覺得係呢一個人。佢係一個好低調嘅人，又好奇怪，終於搵到個人奇怪過我。」
講到求婚戒指，她笑言現時都未收到：「因為佢話要自己設計同打鐵，所以我好想知究竟嗰個係咩設計嘅戒指，後補嘅戒指令我更大期待，但依家未有具體嘅婚禮計劃，會慢慢從長計議。」她又否認奉子成婚，笑言未掂過對方的手指前已答應求婚。
(on.cc東網)
