歌手吳若希（Jinny）自為老公Alex（何兆鴻）於去年4月誕下愛女淼淼後，一家三口幸福美滿，之前Jinny話早前同老公去巴黎影婚紗相，仲大爆Shopping時老公任佢劏，又偷偷買咗啲佢試咗好耐又冇買嘅袋畀佢，總之錫到Jinny燶呀！
不過Jinny突然就喺社交網發文表示：「一個情人節可以揭穿多少謊言？」
令唔少網友都好擔心佢發生咩事，之後佢就上載一張文字相就話：「誰做錯，再認錯，彷彿總有藉口繼續錯，眼淚匯成河，重燃又吹熄火，如何讓我安座。」
佢仲話：「我想講既（嘅）係～ 我首新歌的歌詞，真的很正！如果一個人，習慣說謊⋯ 真的不要相信這個說他以後都不會騙你！真的～～」網友都紛紛留言問佢咩事，仲話佢似乎好似意有所指喎！
事後，佢解答網民提問，表示老公今日同佢講去咗公司對面訂花，但五分鐘後老公又話叫咗朋友幫手訂花，令佢好驚喜，令佢都好想知究竟老公買咗幾多紮花畀佢。
(on.cc東網)
