佗大女時肥咗16公斤，三年後懷二女時就肥咗14公斤，今次。。。
曾屬水着界人氣偶像嘅35歲女星熊田曜子，正為圈外老公陀第三胎，噚日佢挺住大肚出席一個關於朱古力嘅活動，熊田現時懷孕6個月預產期係今年6月，被問到BB性別，佢話暫時未知。
熊田指喺2012年佗大女時肥咗16公斤，三年後懷二女時就肥咗14公斤，o依家佢就咩都想食，一日食五餐。
提到情人節將至，熊田話自從有小朋友後，一切以囡囡為先，已經好耐冇同老公講我愛你，所以趁情人節，會送朱古力畀老公，並同講佢：「一直以來多謝你，我愛你。」
(蘋果日報)
