台灣型男彭于晏（Eddie）靚仔之餘，生得健碩又高，係唔少女士們心目中嘅男神，加上可愛性格，成功俘虜萬千少女嘅芳心！外表已經贏晒，而Eddie連內在美都係一等一好男人！點解？啲人成日話錫阿媽、孝順嘅男人係好男人，而Eddie正正就係乖仔！
眾所周知，Eddie向來工作繁忙，一年都唔知有幾多日假休息，最近佢趁住空檔期，同媽媽飛到西班牙馬德里旅遊，仲將旅行相放上社交網同網民分享。相中見到Eddie同彭媽媽喺街上大玩自拍，兩母子齊齊擺出可愛表情，十足餅印一樣。唔少網民留言大讚Eddie係孝順仔，仲話好想去當地撞吓佢添！
彭于晏出賣媽咪嘅食相。
彭媽媽同阿仔一樣咁搞鬼。
(東方日報)
