藝人楊采妮（Charlie）身穿黑色透視長裙出席品牌開幕活動，現場所見楊采妮清減不少，但是她說：「冇話特別去減肥，湊仔自然會變瘦咗，頭一年好緊要，用咗好多時間去了解佢哋，佢哋食啲咩都要安排。」她指小朋友剛剛戒奶，又認為餵人奶經驗十分特別：「佢哋係早產B，所以盡量可以都會餵人奶，但真係好攰。」
現場所見佢成個瘦晒，佢話因為湊仔辛苦。
她指現時已經開始復工，但仍然會記掛一對孖仔：「上機嗰陣會睇佢哋啲相，落機之後會同佢哋視頻。」她透露一對孖仔最近開始學行和叫人，並直言：「最近佢哋識扶住啲嘢嚟行，哥哥開始識叫『PaPa』，細佬就識叫『MaMa』，有時都唔知佢係叫緊我定係叫食嘢，叫佢講多次嗰陣佢仲識笑，又會肯伸手做Give Me Five。」她表示新年期間會與老公帶同一對孖仔到台灣探望太婆，這次將會是大家首次見面。
楊采妮將會帶一對孖仔返台灣過年。
楊采妮講起孖仔就好開心。
楊采妮超瘦復工！
(ON.CC)
