名媛蔡一鳳近年致力向地產界大展拳腳，業務更延伸至美國，誓做地產界女強人的她，日前現身機場出發赴美公幹，現佗着4個月身孕的她，雖然未有透露肚內BB的性別，不過出發前在機場頻頻睇BB女玩具而不慎洩密，邊佗B邊工作的她實行胎教，令B女做強人接班人。
日前她便隻身出發赴美簽約，約下午5時許Michelle由傭人陪同現身機場，戴着黑超，穿着灰黑色羽絨短褸及波鞋的她，腹部圓碌碌，明顯見肚，間中不時叉叉腰，而傭人則在旁幫忙推行李，Michelle自行check in時，曾落手落腳轉頭烏身打開行李篋，身手十分靈活。
佢戴住黑超、着羽絨短褸同波鞋。
Michelle心情似乎唔錯。
佗B仲可以烏低身，好靈活喎！
蔡一鳳（Michelle）與老公前亞視高層盛品儒婚後一直恨生B，早前披露Michelle已造人成功，現已懷有4個月身孕。自懷孕後，其發展的地產項目亦傳來好消息，成功在美國買地建豪宅，可謂好事成雙。
辦妥check in後，與傭人交帶幾句後，傭人便離開機場，Michelle等候入閘期間，獨自在機場逛書店及玩具店，看到公仔時更忍不住買下，然後帶着公仔排隊入閘離港。事後她接受訪問時表示赴美買地簽約，她說：「我同拍擋喺美國比華利山買咗塊地，面積七萬呎，係我哋第一個地產投資項目，今次去簽約，本身塊地有間屋，個屋主都住咗45年，所以間屋人氣好足，只係間屋好細，我哋計劃重建，預計塊地可以起到三四間獨立式豪宅。」
行入玩具店見到比卡超公仔仲買咗添！
女仔玩具嚟！
她說因是首個地產project，故親自前往打點，曾考慮過建屋給家人自住，但最後都打消念頭，她說：「啱啱嗰度附近有個單位以2,000萬美元（約1.5億港元）售出，所以諗吓都係做生意先，遲啲再搵另一個地方畀屋企人住。」問到是否佗B女時，她繼續保密，只笑言回港後再說。 
Michelle除眼鏡準備入閘。
老公係前亞視高層盛品儒
(ON.CC)
