淡出幕前嘅歌手小雪（原名：蔡雪敏）2015年第三度結婚，嫁畀韓籍老公Robin Cheung，Robin對小雪同兩名前夫所生嘅一對仔女視如己出，婚後一家仲定居澳州。呢日小雪就喺社交網上載多張同家人嘅相片，仲留言表示：「Very Happy Family Day.」相中見到佢哋一家去咗郊外地方，又踩家庭式單車 ，一家四口齊齊合照，非常開心。
Robin好愛錫小雪同前夫所生嘅仔女！
晒完幸福就梗係要晒恩愛啦！
咁先係生活！
戴上黑超嘅小雪好似少女咁！
另外，仲見到佢兩公婆喺海邊附近留倩影，Robin仲從後攬住太太，認真sweet到爆！有唔少網民仲大讚小雪好童顏，依然係咁索！相信一家人開心喺埋一齊，對小雪嚟講一定係最重要！
真係好曬呀！
小雪微博
小雪仔女同Robin相處得好好！
相信小雪見到仔仔咁快樂都一定好滿足！
(ON.CC)
