50歲嘅江欣燕喺2013年突然宣佈與結婚12年嘅吳積遜離婚，令外界嘩然。欣欣之後都冇拍拖，前年爸爸因淋巴癌病逝，令一家人都好傷心。
欣欣好愛錫爸爸同媽咪。(微博圖片)
江欣燕昨晚在北角新光戲院出席慈善音樂會，同場仲有車淑梅同邵音音。欣欣喺表演嘉賓之一，佢話：「知道今次係為長者籌款，所以特登嚟支持，現今社會有好多獨居長者需要照顧，我自己都就快係獨居長者。」
江欣燕都係美魔女，年屆50歲，無論樣貌同身材都Keep得咁好。(攝影﹕曹家誠) 
同場仲有邵音音同車淑梅。
江欣燕稱爸爸去年過身後，媽媽亦成為獨居長者：「為咗照顧媽媽，舊年特登搬返去同媽媽一齊住，我有廿幾年冇返屋企住，返去之後媽咪同我都好開心，原來我覺得係我需要屋企多過媽咪需要我。」
江欣燕話返咗屋企同媽咪住之後，一家人都開心咗。(微博圖片)
(蘋果日報)
