屋企人都好滿意啲大禮。。。
曹敏寶(Abo)早前透露4月出嫁，與拍拖未夠一年，任職科學家嘅圈外男友Albert Lam結婚。
噚日係曹敏寶過大禮嘅大日子，佢喺ig貼上一張同老公錫錫嘅相，但最吸睛反而係枱面上嘅大禮。未來老公真係好重手，禮數做足，除咗禮餅、紅酒，仲有兩隻大金豬同一對龍鳳鈪。
Abo興奮留言﹕「滿滿的祝福，滿滿的愛。就算一起胖嘟嘟也不怕#我們倆。」真係超sweet！Abo今日接受《蘋果》訪問時話屋企人都好滿意啲大禮，佢話﹕「滿意滿意，都當一家人，過大禮都係感受大家既祝福同享受個過程啦！」追問婚期？佢就話想低調進行，只係不停講「多謝多謝」。
咁大隻金豬，係咪要快啲生BB？目標幾多個？Abo笑晒口話﹕「希望三年抱兩啦！最開心屋企都多小朋友，大家姐有1個，二家姐Mandy(曹敏莉)有3個，仲有一位好close嘅表哥有1個。所以好希望一班小朋友一齊成長，咁多手足，Good啦！」
周美欣將會做伴娘。
(蘋果日報)
