台灣藝人宥勝與太太育有一仔一女，佢不時都會喺社交網站分享育兒心得，不過尋日佢就喺社交網站透露因為女兒蕾蕾唔肯收番埋玩具，所以就將蕾蕾嘅玩具整爛，仲寫住「人類如果想要成長，心碎是第一步，而忍心讓孩子心碎的人，只有爸爸。」。
唔少網民都對宥勝嘅教女方法表示不滿，話佢嘅方法太過偏激，仲話唔應該用摧毁嘅手段去教小朋友。
面對一班網民嘅抨擊，宥勝今日就發表咗一篇長文去解釋事情嘅前因後果。
宥勝表示佢哋屋企都一直要遵守「物歸原位」，而蕾蕾一直都知道，而且亦都好乖咁守規則。
不過當日蕾蕾就以唔執玩具去逃避瞓覺時間，而且仲挑戰父母嘅言行，因為要畀蕾蕾知道大人嘅說話係言出必行，所以宥勝先會做出整爛玩具嘅行為。
(on.cc東網)
