美國樂壇百變天后Lady GaGa近年受痛症傷患折磨，去年在其紀錄片《Gaga: Five Foot Two》中已透露因飽受纖維肌痛症之苦而需要暫停巡唱，去年9月佢出席多倫多國際電影節（TIFF）時已透露將暫別歌壇作長時間休息，又一度擔心唔可以懷孕。
Lady GaGa多年來受痛症傷患折磨。
今日，Lady GaGa再次為歌迷傳來壞消息，佢已取消世界巡迴演唱會嘅10場歐洲巡演，包括倫敦、曼徹斯特、蘇黎世、科隆、斯德哥爾摩、哥本哈根、巴黎、柏林及里約熱內盧，原因係纖維肌痛症情況持續惡化，導致GaGa全身疼痛，佢於社交網表示：「我很沮喪，我不知道怎樣來形容。」為咗長遠計及能夠再發展音樂事業，GaGa忍病叫停餘下歐洲個唱，佢亦唔想因為目前痛楚影響其台上表現。GaGa日前才現身第60屆格林美頒獎禮（Grammy Awards），並站台擔任表演嘉賓。
去年9月，GaGa出席多倫多國際電影節已透露將會暫別歌壇。
Lady GaGa 社交網貼文，宣佈取消歐洲巡唱
佢日前為格林美頒獎禮表演。
(Instagram / Apple Daily)
