最近網上就好興一種舞，但呢種舞就唔係用腳跳嘅，咁用咩呢，原來係用手指，之前陳偉霆就用手指跳單人舞，而歐瑞偉同姚瑩瑩、「大小姐」林淑敏同許家傑、江嘉敏同劉穎鏇就跳「情侶版嘅手指舞」，真係一個傳一個。
王菲唔夠那英熟，不時要偷望佢，表情好可愛！(網上截圖)
(網上截圖)
今日就有網民喺網上貼咗兩位天后及人馬王菲同那英嘅短片，見到佢哋兩個都好開心咁喺鏡頭前玩起最近好流行嘅「手指舞」。見到那英嘅動作就非常熟練，相反王菲就有時會唔記得啲動作，所以佢就不時都要偷望好友那英，表情十分可愛！兩大天后聚頭，除咗大跳「手指舞」外
‘(網上截圖)
當然仲一齊唱吓歌啦，而有指王菲同那英將會相隔20年，喺大陸央視嘅春晚中再度合唱。之前更有知情人士爆料話，佢哋將一同演唱一首剛剛創作完成嘅新歌《重逢》㖭！個個都玩手指舞，唔通個個都識咩，咁其實手指舞又係咩嚟呢？據百度百科指，手指舞其實係一種健身修養身心嘅運動，通過手指同手腕嘅關節彎曲、旋轉、跳躍和顫抖等形式使手部達到運動。
有指佢哋會喺今年央視嘅春晚合體。(搜狐圖片)
陳偉霆之前都有玩手指舞。(資料圖片)
手指舞影片:
(蘋果日報)
