歌手小肥將於2月11日在澳門威尼斯人舉行第三次演唱會：「第一次喺澳門，第二次喺香港，第三次又返澳門。其實今次係個Project，上年3月開始每個月最後一個星期四晚都有Live Show，每次都要唱嗰個月嘅新歌，演唱會就係成件事嘅結尾。」完成多首新歌錄音後，他直言不捨得：「中間有幾個月撞咗拍劇，最痛苦係啱啱捱完夜又要準備錄音、拍MV同宣傳。今時今日做藝人其實唔應該問幾時有假放，但都會嗌辛苦，不過中間過程好享受。」日就係幻想自己有個情人死咗。 
佢仲話投入咗就喊到收唔到聲！ 
再加上佢太多嘢要做，個人已經攰到不得了。 
所以情感大爆發嘅時候真係唔講得笑！ 
佢仲順勢去埋拍MV！ 
佢話嗰一Take可一不可再～ 
睇嚟都好滿意個效果！ 
小肥嚟緊就會喺澳門開騷喇～ 
粉絲們都好期待！ 
小肥
問到哪首歌印象最深刻？他認為是方皓玟作曲、6號＠RubberBand填詞的《觸景傷城》：「首歌講分離，喺呢個地方曾經同你一齊好開心，今日再返嚟就毛管棟。」小肥憶述錄音當日非常繁忙和疲倦，到錄音室時已感覺像沒有電：「唱嘅時候我將啲畫面代入隻歌，究竟點先到觸景傷情嘅極致？就係情人死咗，好攞命！成個人投入咗咁極端嘅感情，同埋攰，喊到收唔到聲！」
為保留感覺，他即時到海旁拍MV，邊跑邊除外套和掉帽：「有一Take真係神推鬼㧬，用咗慢鏡之後配合晒啲Timing同歌詞，唔係唔要呀？Good到爆！呢日好難忘，隻歌反應又好好。真係做多次都唔得，如果有日瞓醒好精神咁錄，都未必有呢個效果。」至於可曾經歷生離死別？他指愛情上沒有，但多年來經歷過不少：「阿爸同Sita（陳僖儀）離世我要幾年先平復到情緒，當Sita走咗一、兩年，突然社交平台彈啲嘢出嚟，我再睇落去就會啜泣。」
(東方日報)
