無綫藝員湯洛雯與黎諾懿一家向來老友，有雜誌拍下兩人出入麵店食麵的相片，指稱湯洛雯與黎諾懿偷會。
湯洛雯接受東網訪問時笑說：「睇到雜誌報道真係笑咗出嚟，諗咗好耐幾時同黎諾懿去食麵，呢輯相係喺上年（2017年）9月我哋上《今日VIP》節目宣傳劇集《燦爛的外母》之後去食嘢。大家都知我同佢老婆（李潔瑩、Nicole）都好Friend， 我諗佢老婆睇到都會笑爆嘴。」
問可會因報道日後與黎諾懿有所避忌？湯洛雯說：「雜誌啲大部分係《燦爛的外母》嘅劇照，朋友唔使避忌，今次當係笑話睇，我哋冇做乜嘢，去食個麵啫。」
(on.cc東網)
