黃家一門四美，心美同心穎分別喺ViuTV同大台都係當家花旦，不過佢哋除咗工作都好照顧屋企，不時同家人食飯、去旅行等等。
講到去旅行，呢一門四美日前又出發，去咗日本旅行，其中二家姐心妙仲post浸溫泉照上ig，睇真啲冇咗四妹心穎，而黃媽媽仲頂上心穎個位，睇落黃媽媽keep得好好，拍落三個女側邊似家姐多過似阿媽。
而大家姐心美都有update ig，不過佢就係獨霸個溫泉，而佢仲不時更新限時動態，佢仲笑二妹喺雪地都要著高踭boot o添。
至於冇份去嘅心穎似乎有工作在身，日前喺ig post工作照扮哈利波特之餘仲打出條事業線，佢噚晚仲葡萄味濃咁話：「我家啲女人今日去旅行！話說、又無我份！不過聽講佢地落錯車、迷路…唉、無我、係咁㗎喇！」
真係陰功豬囉，快啲召喚馬明錫返啦！
(蘋果日報)
