當時正在陀B，不過念在BB份上早已原諒老公，二人仲走過婚姻危機。。。
35歲日本女星安田美沙子曾以性感形象活躍水着界，前年佢嘅設計師丈夫下鳥直之被爆偷食，當時安田美沙子正在陀B，不過念在BB份上早已原諒老公，二人仲走過婚姻危機。
安田美沙子去年春更宣佈誕下B仔，佢數月來不時在網誌公開親子合照，又分享初為人母嘅喜悅。
日前，安田美沙子透過綜藝節目竟然公開去年嘅生B過程，當時由老公負責拍攝，節目出街後就被觀眾及網民留言狠批，表示唔應該喺電視上播出生產片段，有人更問：「有邊個會想睇？」
連日來引起當地網民圍插。
(蘋果日報)
