江若琳同「生煎包王子」蕭潤邦(Oscar)拍拖唔夠一年，去年年底Oscar就已經求婚成功，好快就會做生煎包老闆娘。至於佢嘅舊愛、大陸藝員曹雲金，就話除咗祝福，搵唔到其他言詞表達心情。
當年江若琳喺大陸發展，帶旺事業同愛情，江若琳除咗接曹雲金機，又去咗男方別墅過夜，最終呢段關係敵不過Long D（遠距離戀愛），拍拖幾個月就分咗手。
舊愛為求婚成功送上祝福，嚟緊江若琳都有呢個機會。曹雲金上年7月同女友唐菀戀情曝光，當時仲話目標係拉埋天窗。
噚日曹雲金生日，唐菀就陀住個好巨型嘅肚，以女主人身份出席生日party，全程以水代酒錫住個肚。
曹雲金回覆大陸傳媒查詢只係話：「謝謝謝謝。」答得好含蓄。
(蘋果日報)
