歌手鄭欣宜的身形一直成為外界的話題，而早兩年她亦講明不會再刻意減肥，要做一個舒服自然的自己，只會保持健康。但欣宜公司發現有人不斷利用欣宜去造假廣告，近日就有facebook page用欣宜的相片去推銷減肥貼產品，對此其公司表示這個假廣告的內容全屬捏造及不實，欣宜對於被不法之徒盜相造假廣告的違法手段絕不姑息，除了作出追究之外，亦呼籲大家切勿誤信此減肥廣告。
鄭欣宜
欣宜表示：「我要澄清我係冇搵任何公司用任何產品或者用任何儀器去做減肥療程，呢間公司係不合法地利用我嘅肖像去呃人，大家真係要睇清楚唔好畀佢呃，我同呢間公司完全冇關係！同埋如果大家真係要減肥，係要去搵專業人士幫手，千祈唔好隨便相信呢啲不誠實廣告，真係好危險，所以我哋會追究呢件事，希望大家唔好中伏！」
假廣告
（ON.CC / Apple Daily）
