現年26歲，有「翻版Angelababy」之稱嘅卓楓而（Candice），傳被陳庭欣(Toby)硬撬初戀男友唐偉倫（Warren）。據聞Warren係有米大狀，坐擁半億物業，同Candice拍拖4年多，前年3月傳因Toby介入致分手。
卓楓而曾傳被陳庭欣硬搶初戀男友。(ig圖片)
卓楓而
事業剛露曙光，Candice突然閃婚！同樣係o靚模出身嘅好姊妹羅芷君(Crystal)噚日喺ig貼上與Candice嘅結婚合照，見Candice穿上low cut款婚紗裙，與8位好姊妹一齊扮嘟嘴賣萌，但就唔見新郎哥，身份好神秘。
好姊妹羅芷君亦送上祝福。(ig圖片)
羅芷君留言恭喜一對新人，佢話﹕「恭喜您去到人生另一個階段，一切得來不易…好感動你終於找到自己想要的，要幸福快樂啊。」前Super Gear成員鄧以婷就話：「我的寶貝，其實我很欣賞她。她很勇敢，愛真是需要勇氣；她很堅持，不會輕易放棄一段感情；她很樂觀，面對什麼事情也會欣然接受；她會呻，但很快就沒事。今天真的很感動，她在台上哭時我也偷偷掉了一滴淚，我相信這是上天對她最好的安排，她一定會很幸福！最後她今日真係好靚。」而新娘子Candice今日凌晨亦喺ig story貼咗泡泡浴同美食相，仲寫住﹕「終於可以放鬆一下。」婚宴忙足一日，終於有時間休息。
鄧以婷(左)爆新娘子台上感動落淚。(ig圖片)
卓楓而早前與楊潮凱去塞班島拍《3日2夜》。(無綫電視截圖)
（Apple Daily）
