台灣藝人陳建州（黑人）與老婆范瑋琪（范范）育有一對可愛孖仔「飛飛」及「翔翔」，只要父母一出post，必定成功呃like！黑人喺社交網上載與囝囝去飲宴嘅造型，見到佢哋三父子齊齊以黑色西裝上陣，仲特意為一對囝囝梳上「蛋撻頭」，英氣十足！
老竇唔使咁Chok呀？
囝囝梳咗個蛋撻頭！
黑人係咁拍片，但囝囝都冇理過佢！
整番好個頭先！
原來「飛飛」同「翔翔」當日做花仔，難怪着到咁官仔骨骨啦！仲見到黑人上載咗段短片，將囝囝當日嘅型爆造型大特寫，不過佢哋掛住睇電視，眼尾都冇望過頭鏡！唔少網友留言大讚「飛飛」同「翔翔」又酷又帥氣，仲話：「好帥呦～快超越爸爸了！」
網民都大讚好帥喔…講緊對孖仔飛飛翔翔！
黑人IG
(蘋果日報)
