胡杏兒近年主力大陸發展，生完B之後，未有全面復工，為咗幫李家開枝散葉，目前仍專心造人，想快啲佗第二胎，話晒老公係圍村人，當然家族多啲人就熱鬧啲，呢位李家新抱都盡量唔接出埠太遠嘅job，閒時杏兒同「胡說八道」一班好姊妹去老公李乘德(Philip)喺中環雲咸街嘅嗰間Tiki Bar打躉。
眨吓眼，呢間酒吧開業一週年，噚晚杏兒都有招待圈中朋友一齊慶祝，崔建邦今午喺IG貼出合照，留言：「一週年啦！我呢兩個兄弟好似未試過聚頭，nice!祝生意興隆！」
相中見側田都在場，崔建邦仲賣口乖讚杏兒好靚，係一位幸福媽咪。
(蘋果日報)
