女星楊洛婷為奶粉活動擔任司儀，早前誕下女兒的她已經收身，她說：「生完小朋友個肚皮一定會鬆啲，我會好勤力做機同運動，我生完因爲入咗風，所以關節好痛，做唔到運動，但去完美國同加拿大旅行返嚟，關節冇再痛，我做番瑜伽，之後冇咁凍就會跑番步，老公都好鼓勵我，佢話我會索過之前。（會唔會再生？）會，一定會，我完成晒今年嘅計劃就會再生。」
另外，提到楊洛婷的父親早前在加拿大進行換心及換腎手術，她表示非常感恩：「佢一次過換晒心同腎，係好大手術，而且佢係第二次換心，醫生話好難搵到合適嘅心，排咗三個月，當日係我個女嘅百日宴，突然收到電話話有合適，可以做手術，其實我哋都好擔心，最怕係排斥，佢依家出咗院個幾星期都冇排斥，真係好開心，佢尋日仲同我嫲嫲慶祝生日。」
(on.cc東網)
