模特兒張穎沁（Pamela）雖然有童顏外表，但其實已育有一歲大的兒子Adam，早前Pamela推出新書分享新手媽咪的心路歷程並舉行活動宣傳，請來林奕匡太太Rikko擔任司儀，問到為何會想寫這本書？
張穎沁就話最驚就係囝囝學壞！
Pamela說：「一直都想寫書，但未搵到適合題材，到大肚時覺得好似我去到一個未去過嘅領域，想紀錄呢幾年經過嘅嘢，分享畀一班準媽媽，畀佢哋多啲心理準備。」
最近佢就出咗新書。
活動上Adam亦有粉墨登場，還主動笑晒跟觀眾Say Hi，完全不怕見到陌生人，氹到現場人士非常開心，超級可愛！問Pamela最擔心囝囝甚麼？她笑說：「擔心佢識女仔，好快有女友，仲有驚佢會變壞，希望佢乖乖地健健康康。」
囝囝仲喺活動期間上台獻花！好可愛呀～
此外，當日Pamela老公不在港，但特別預早訂了花送驚喜，並由囝囝負責送上，Pamela說：「老公將我手機號碼畀咗花店，所以我知有人送花，但冇諗到係老公，所以都好Surprise！」
(東方日報)
