【岑杏賢下巴落地 】湯洛雯：我哋好唔開心

藝人湯洛雯（靚湯）、岑杏賢（Jennifer）及一眾好友日前到日本北海道滑雪，昨日已返港，期間發生小意外，靚湯玩Snowboard時扭傷膝頭，今日行路仍一拐一拐，靚湯接受訪問時說：「其實我之前都滑雪滑過幾次，（技術）係比其他人好少少，但係可能對上滑雪都幾年前，太耐冇練，轉重心時扭傷膝頭，又唔會話有陰影嘅，但今次見到有人受傷，我自己之後都會小心啲。」

至於第一次滑雪的Jennifer傷得較嚴重，高速滑行時仆倒，下巴落地，其後半個鐘唔郁得，朋友其後送她去醫院，檢查幸好骨頭冇事，惟返港後都要再作檢查，靚湯說：「Jennifer痛到不停喊，我哋好唔開心，但大家一齊照顧佢，感覺好溫暖，Jennifer都話冇後悔一齊滑雪。」

靚湯表示今次旅程有笑有淚有煩惱有甜蜜，有朋友病倒腸胃炎，又有人唔見行李，但最難忘是相識18年的女性友人被同行男友求婚，靚湯也感動到喊。

去到日本梗係要行街啦。

同行仲有其他朋友。

湯洛雯呢件彩虹戰衣夠晒sharp。

睇啲相咁開心估唔到原來傷晒返香港。