連續參加「渣打馬拉松」6年的藝人湯怡（Kathy）今年是第二次參加半馬賽事，她於衝線後接受訪問，開心表示今年的成績為1小時55分，比往年快了足足10分鐘：「本身預計係要2個鐘，多謝教練。（有搵教練訓練？）有呀，都練咗1個月，上年就反而冇，其實尋晚自己講過如果喺兩個鐘頭以內完成，出年就會挑戰全馬，依家有少少緊張同有壓力，但開心嘅，覺得人生入面應該要挑戰一次全馬。（如果今次唔係兩個鐘內完成都會唔會照試跑全馬？）照試啦，練習多啲就ok。」
湯怡以1小時55分跑完半馬，真係要畀個Like你啦！ 
佢話出年就會挑戰全馬，覺得人生點都要有一次！
出年向男友求婚
問到何有第一時間告訴男友洪卓立成績？Kathy笑言未知他起身未：「個個都有問點解唔捉埋佢一齊跑，但係愈嚟愈難追啦。（上年佢都有嚟支持你，今年點解冇嚟嘅？）係我叫佢唔好嚟，上年第一年。（係咪追唔到你？）佢追（求）到我啦，喺十年前，但跑步就未追到。」談到會否跑全馬時叫男友求婚？Kathy反問：「我向佢求婚係咪應該？出年叫佢喺終點等我。」
講到洪卓立今年冇嚟支持佢，佢就話係自己叫對方唔使嚟！ 
雖然10年前已經追到佢，但跑步就……
男友洪卓立
(ON.CC)
