現年48歲的台灣女星伊能靜於2016年誕下細女「小米粒」，有女萬事足嘅佢不時喺網上大晒同囡囡玩嘅相。呢日伊能靜就甫咗幾張同小米粒着住母女裝一齊行街街嘅相，網友都讚啲相好溫馨，仲話小米粒得意又可愛。
不過竟然有網民惡意留言，直指小米粒「像智障」，出名愛護囡囡嘅伊能靜即時爆發，喺網上留言反問該網友，話點解有人可以對小朋友講啲咁難聽嘅說話，仲問究竟係乜嘢教育可以令到人咁冇禮貌，又話：「真的希望你父母知道，你眼睛所看去的世界，為甚麼只有惡意。」
唔少網民都留言撐伊能靜話佢講得啱。之後伊能靜再發咗一段超長文字表示，希望大家面對小朋友時，無論對方外表如何，又或者身體有沒有問題，都可以用愛心去對待。
(on.cc東網)
