歌手杜德偉（Alex）現身中環海濱嘉年華，潮裝打扮的他在化身夜店的馬戲帳幕內，與美籍亞裔頂級Hip Hop組合Far East Movement合作演出混音版《無心傷害》。期間獲美國電台頒發「2017 Billboard Radio偶像大獎」，據知該獎項是首次由華人獲得，前一屆得獎者是美國歌手Celine Dion。
Alex接受訪問時，提及Far East Movement提出改編自己的歌曲感到相當意外：「都真係好surprise，本來係諗住唱一首佢哋嘅歌，唱啲男仔唱歌嘅部分然後佢哋rap，但係後尾佢哋request原來佢哋好鍾意呢首歌，咁就問我介唔介意做一個mashup嘅remix，咁我當然話唔介意啦，同埋佢哋send咗個混音版畀我聽，我都覺得好正。」
其後Alex表示當晚太太帶同囝囝已經在嘉年華內遊玩，顧家的他話：「等我快快手做完訪問就會去join佢哋一齊，係第一次帶囝囝嚟呢個嘉年華，（係咪多咗做呢啲親子活動？）
提到舞台設計是夜店風格，Alex就話自己已經多年沒有踏足過夜店，笑言：「入到去覺得好熟悉，有種似曾相識又有啲陌生嘅感覺，但入到去會畀音樂催眠，知道自己要表演就會好投入，其實好enjoy好好玩。」 
童年陰影？
哥哥杜德智（Orlando）今年六十大壽，問Alex會如何同哥哥慶祝？他謂：「佢犀利啦，自己飛咗去玩，（會唔會再慶祝？）都係好簡單，兩兄弟食個飯，傾下偈咁，好簡單，（會送咩畀佢？）我送咗我童年畀佢！」更搞笑稱：「我成個童年籠罩喺我阿哥嘅陰影之下，所以一早已經送咗畀佢！」 
係多咗，以前估唔到自己會咁enjoy，依家係急不及待想去同個仔玩，因為我覺得從佢身上係會重新感受到好多第一次，譬如搭嗰啲子彈𨋢咁樣，我哋已經搭到慣晒冇感覺，但個囝嘅反應係會令我覺得我都好似第一次搭咁，仲有好多其他例子，令我覺得好似重新過一次人生咁，好正，未生過仔嗰啲真係快啲生！（幾時生多個？）努力緊！」 
(東方日報)
