藝人林盛斌（Bob）在外拚搏搵錢養4個仔女，而身為佢老婆黃碧玲（Pearl）都一樣要拚搏，不過係喺屋企同4個仔女「拚搏」，今日Pearl就更新社交網，興奮咁話細仔（Jaye）終於開始轉身喇！不過重點係Jaye條尿片點解咁得意嘅？原來Pearl為仔仔穿上環保尿褲，佢話用環保尿褲係為咗下一代，唔想為環境產生負擔，果然係環保媽媽，Pearl寫道：「Jaye Jaye 終於都開始轉身喇！雖然用尿布褲令個pat pat大個左（咗），但都無阻Jaye Jaye想轉身嘅心，其實用尿布褲係有佢嘅不便（因為要洗，不過可以用洗衣機），係可以克服嘅！就正正因爲佢可以重用，令我唔需要擔心對環境產生負擔，為小朋友揹上不必要嘅業（孽）！*以上只係我自己嘅想法，都要配合自己嘅情況喇！
識轉身喇！用環保尿褲令Jaye Jaye個pat pat大咗，但都冇阻佢轉身決心。
Jaye Jaye話咁快就識轉身。
Bob嫂早前貼了一張超市入貨相，Bob問太太點解買咁多，Pearl話平時早、午、晚同宵夜都食，個幾月就食晒，連埋工人姐姐都8個人，啲嘢好快食晒，隔夜餸都會食埋，Bob嫂果然唔浪費食物啊！保衛地球就靠你喇！
（ON.CC）
