藝人胡杏兒與老公李乘德（Philip）為囝囝李奕霆（Brendan）舉行百日宴，宴請親朋戚友。喺宴會期間，仲播出Brendan嘅日常生活片段，見到Brendan又笑又喊、表情多多，真係好得意！杏兒仲出賣Brendan嘅屁屁聲同便便聲，非常搞笑！不過唔知係咪怕大家冇胃口，所以淨係得聲而冇畫面。
杏兒與老公為囝囝舉行百日宴！
回禮呢盒靚靚曲奇畀賓客，勁有心思！
片中見到Brendan一喊時，爸爸Philip會曲起隻手指扮奶咀，安撫囝囝，BB一啜住Daddy隻手指就立即晒收聲，功效神奇，期間Brendan仲啜埋Daddy個鼻，好搞笑又好sweet。睇完片杏兒喺台上多謝家人，特別係老公嘅支持，場面感人，一家溫馨滿瀉！
現場用好多扭汽球布置！
隔住個Mon都聞到幸福的氣味！
恭喜杏兒！
祝Brendan快高長大呀！
「胡說八道會」成員胡定欣、姚子羚、胡蓓蔚、李施嬅都有出席，到場賓客仲有JW同男友、周志文、傅明憲、楊明、莊思明等。百日宴去到尾聲，杏兒孖住定欣、子羚、李施嬅同埋胡蓓蔚一字排開畀記者影相，不過主角Brendan唔知係咪眼瞓，所以冇抱佢出嚟。黃智雯好似無嚟喎！唔通好忙？
李施嬅（左起）、胡杏兒、胡蓓蔚、胡定欣、姚子羚
一字排開，好有氣勢～只差黃智雯！
問杏兒係咪好開心？佢就話：「係！不過冇乜特別，只係普通百日宴，辛苦大家！（收好多禮物？）係呀！再次多謝大家祝福，大家都咁錫BB！」
身為好姊妹嘅定欣喺晚上10時許到場，見佢束住古裝頭，佢就話自己拍緊嘢蛇王過嚟，而自己就冇買禮物，只係準備咗封利是，而子羚到場時一見記者，仲搞笑話要掹好條褲先影相。
胡定欣
姚子羚
百日宴結束，每個賓客都攞住一個藍色袋仔，原來係愛心曲奇呢！
愛心曲奇
(ON.CC)
