藝人陳敏之在1999年成為日本音樂教父小室哲哉的入室徒弟，對於師傅小室哲哉宣布退出藝能界感到意外，她又表示已經多年冇同小室哲哉聯絡：「其實當年簽咗接受訓練，只係喺香港、日本、夏威夷見過3次，佢將我哋交低畀樂隊訓練，印象中佢好Nice，斯文同溫文，當時自己好細個，覺得佢係音樂教父好犀利，平時交談用英文，依家已經冇聯絡，最難忘佢介紹安室奈美惠（同是小室哲哉徒弟）畀我哋認識。」
小室哲哉近日被爆疑背住腦中風的妻子兼組合globe女主音KEIKO搞婚外情，多次與任職護士的「小三」A子密會兼過夜，他接受雜誌訪問時承認曾同A子共處一室睡覺，但自言沒有越軌行為。
而曾暗示有引退念頭的他，今日在東京舉行記者會，正式宣布引退消息。
被問到小室哲哉有婚外情？敏之說：「呢幾年佢都好多事發生，覺得佢唔開心，祝福佢日後生活愉快，點都好今日決定有佢原因，婚外情呢方面No Comment。」
（on.cc東網）
