金剛2009年來港發展，因講唔鹹唔淡嘅粵語同唔介意醜化自己，於「獎門人」系列做獎老，成功入屋
仲有《街坊食神》系列都係佢嘅代表作
可惜之前有傳捲入TVB內鬥，金剛一直視曾志偉為恩師，再講當時一年得一個騷，底薪又唔高，金剛於香港生活要好慳，最終選擇離巢，而最後拍嘅電視劇就係《降魔的》。
上年金剛轉投王祖藍工作室去大陸發展，加上要照顧父母就搬咗返台灣
今日金剛喺IG貼出與外公嘅合照，原來金剛外公於去年12月29日離世
留言：「一直沒說2018新年快樂……2017後半年很忙碌，總覺得很圓滿的時候，收到了消息2017.12.29的下午，99歲的外公離開了……這個消息來的很突然，也很錯愕，一時無法相信，直到那天去給您上香的時候才發現這真的是一個事實……今天是我的生日，我的願望是希望您在上面過的開開心心，無牽無掛，我會把媽咪照顧好的，請放心……外公，我們永遠愛您。」金剛今日37歲正日生日，未知係唔係憶起與外公相處嘅點漏，令佢特別感觸。
(蘋果日報)
