【開刀並非怕痛】陳敏之：斷骨都唔怕嗰種痛令我感受到愛嘅感覺

2018-01-19

陳敏之分享懷孕心得，她透露原本想嘗試順產，後來決定開刀並非因為怕痛。

陳敏之一啲都唔似生過。

她說：「以前拍戲試過斷骨都唔怕，當時反而擔心順產過程，有好多難以估計情況，所以為BB，我選擇開刀。不過開刀後傷口比想像中痛，都留下了疤痕。每次我抱着囝囝玩，佢都會紮紮跳，喺我啲疤痕上跳，嗰種痛反而令我感受到愛嘅感覺。每次摸到開刀位置，就像感覺到同BB連繫。你依家問我，就算留疤都好，都係一種幸福嘅痛。」她表示為了BB有母乳食，堅持到現在，就算拍劇辛苦，都堅持日日泵奶及半夜捱眼瞓：「睇住劇本泵、食住飯盒又泵，我覺得呢個任務算超額完成，見到BB愈來愈長肉，愈來愈健康，作為媽媽犧牲都冇所謂，係值得。」她透露囝囝開始學講話，識得講「媽媽」同「飯飯」，每次叫完「媽媽」自己都會興奮大叫，而囝囝就會搞笑地耷低頭，表現得怕怕醜醜，自己感覺就像回到初戀。