喺無綫捱足17年嘅林淑敏（Mandy），今年佢憑處境劇《愛‧回家之開心速遞》裡面嘅變態惡死「大小姐」龍力蓮，喺大台頒獎禮獲提名今年嘅女配角
林淑敏演到「大小姐」龍力蓮又惡又黑人憎，好評如潮。（電視圖片）
雖然今次佢嘅對手都好強勁，好似啱啱喺「TVB馬來西亞星光薈萃頒獎典禮2017」，憑《同盟》拎咗女配角獎嘅姚子羚，仲有譚凱琪、姚瑩瑩同陳庭欣等等，不過依然冇影響網民對大小姐嘅支持。
好似日前Mandy喺fb貼圖兼留言，佢話一班同事喺投票嘅表格上寫住話：「票已投了全公司公認至恐佈龍家大小姐…勿炒我#大台六樓職員緊急呼籲」搞到佢鬼死咁開心，仲話自己已經覺得好滿足，好多謝每一個鍾意大小姐嘅人
之前同「送先生」許家傑一齊拍手勢舞。（Ig截圖）
噚日姚子羚出席活動，亦都話明睇好大小姐
姚子羚噚日出席活動，都話要投降。 （資料圖片）
佢喺《同盟》打到咁都要投降？（電視圖片）
朱千雪唔係拍過好多戲，但就憑《踩過界》提名。（電視圖片）
姚塋塋《全職沒女》（電視圖片）
不過Mandy日前接受傳媒訪問，講到心情係咪好緊張，佢就話：「冇呀，我都係平常心，再加上呢幾日都要開工，所以都冇乜時間去諗，但係如果你問我，我覺得自己唔會攞，因為其他對手都好好，o依家對我嚟講好滿足，當初去拍處境劇，都係希望磨練吓啲戲，好想有一個穩定嘅工作時間，o依家得到嘅嘢，遠超過當日我祈禱希望得到嘅嘢，所以每樣嘢好足夠，對我嚟講係多咗。」
林淑敏話所有都係teamwork， 有班好同事可以放鬆做。（微博圖片）
Mandy仲話：「其實所有嘢都係teamwork，好似家傑、KC(歐瑞偉)同Terry(李偉健)真係好好，有好嘅對手可以令自己放鬆去做！」
(蘋果日報)
