會唔會閃咗少少~一直都好低調嘅佢突然曬合照，仲冧爆咁話。。。
組合Robynn & Kendy一直鮮有談及感情生活，但現年31歲嘅Robynn（葉晴晴）今日就突然喺Instagram公開戀情！
Robynn最近去咗泰國旅行，不過連日嚟都係上載獨照，直到今日，佢就上載一張合照，相中嘅佢着上兩件頭泳衣露出腹肌，而身邊嘅男士就半裸晒肌攬實Robynn膊頭，非常親密咁齊齊坐喺泳池邊，真係好Sweet！
而Robynn就以英文留言示愛，大概係話當佢唔知前路係點嘅時候，男友話佢知一切都會好起來！據知Robynn男友係圈外人，仲有啲家底添，網民都留言話好曬呀！
(on.cc東網)
