事件真係峰迴路轉。。。
無綫前新聞小花陳嘉倩上年被影到同「凸腩男」陳志遠拍拖，點知後嚟爆出原來陳志遠同無綫藝人朱婉禎相戀三年，更公開與陳嘉倩嘅對話，其後陳嘉倩稱被滋擾去咗中區報案中心備案，以為事件已告一段落……
點知今日有周刊登出專訪，原來搵咗「潛水」多日嘅陳志遠回應，佢認自己一腳踏兩船，更自稱係賤男，爆去年同陳嘉倩拍拖時，自己仲係同朱婉禎同居，佢有向陳嘉倩表明有朱婉禎嘅存在，仲帶過陳嘉倩見家長，最後因為抵受唔住壓力同埋大家性格唔夾先分手，只係和平分手，唔知陳嘉倩半年嚟受到啲咩威脅，陳志遠喺報道又指同有錢女朱婉禎未分開。
(蘋果日報)
