28歲的無綫小花劉佩玥（Moon）入行以來緋聞多多，被指「收兵」高手，曾與伍允龍、翟威廉及黃宗澤等傳緋聞，但傳得最盛是同齡的「巨聲幫」周志文（大孖），至於大孖亦一樣，女友如車輪轉，曾與前少女標本成員袁紫僑（CoCo）拍拖，又跟馬賽、蔡思貝、吳若希等傳緋聞，有「花王」之稱！
(一齊BBQ)
Moon與大孖近年被傳暗撻，多次被拍到出雙入對，經常一齊「Happy Live」直播唱歌，去年4月又齊齊遊上海
劉佩玥（左2）之前同周志文（右）去咗上海。
Moon亦多次以「跟得女友」身份支持大孖出戰籃球賽，男方還經常出入她在港島區的寓所。早前大孖的「波友」陳安立生日，他帶同Moon到賀，合照時更糖黐豆，愈愛愈明顯。
阿嫂地位出晒嚟
劉佩玥（右3）B都幫手抱埋，睇嚟真係融入周家喇！
昨日有讀者爆料指前晚大孖與Moon拍拖遊嘉年華，同場有周志文胞弟「細孖」周志康與太太Emily以及好友溫家偉、呂熙及范彩兒等，但沐浴愛河的Moon與大孖眼中只有對方，不時孖咇行開玩攤位遊戲，雖然沒有過分親密舉動，但不時有說有笑及情深對望。「歸隊」大合照時，Moon被大細孖及周家親戚包圍，更幫手抱着細孖的BB女，阿嫂地位呼之欲出！
拍拖搵一堆人掩護
不過，大孖接受電話訪問時仍死口唔認與Moon拍拖，只表示現場有多位好友：「我哋十幾人一齊玩！知道一直有人影我哋，有途人想同我哋合照，我哋都大方影！（多人一齊係煙幕？）唔係，聚會有時人多，有時人少，總之唔係拍拖啦！」至於Moon亦口徑一致表示只是好友聚會。
修心養性
據知，二人密冚戀情以力保事業，近年Moon事業飛躍，最近又因劇集《降魔的》人氣再升，而多年來緋聞不斷的大孖簽下邵氏電影經理人部，承諾會「修心養性」事業為重，因此拒認拍拖，又經常找好友做掩護，如陳瀅、何雁詩及翟威廉等，但二人關係已是朋友圈中公開的秘密。
周志文之前借狗攻「玥」！
此外，鎖定Moon的大孖最近變專一男，遠離女色，平日外出多數全男班，日前他跟羅孝勇在尖沙咀工作後到旺角食生煎包，之後羅孝勇接載大孖返其藍田住所。大孖昨日還與藝人楊潮凱、傅嘉莉探望胡杏兒和BB，眾人笑晒合照。
周志文（右）黐仔避女！
(東方日報)
