江美儀同陳柏宇今日喺西頁北潭涌傷健樂園出席「洗腎救人獅子會」，江美儀帶埋兩隻狗狗出席，佢好開心透露今年秋季會同狗狗去日本旅行，佢話：「有私人飛機公司贊助我，其實我一直都想帶佢哋去旅行，但又怕佢哋喺機艙嚇親同凍親，我心諗如果可以坐喺我大脾就好，點知我願望成真喎！」
江美儀同陳柏宇今日喺西頁北潭涌傷健樂園出席「洗腎救人獅子會」。
男友吳君祥會唔會同行？江美儀話：「佢要做嘢，唔去啦！」講到佢憑《親親我好媽》角逐視后，江美儀指今年競爭好大，不過呢套劇收視係全年最高，佢話：「係呀，平均28點，最高係31點，係實體收視，但係收視好唔代表做到視后。」睇好邊個做視帝？佢表示：「黃智賢，冇佢就冇《親親我好媽》嘅嚴太，不過馬國明同王浩信都好熱，我都想馬國明攞，王浩信就勤力，同埋有進步，如果有冠亞季就好啦！」
江美儀話今年秋季終於可圓夢帶狗狗去旅行。
對於林奕匡指為咗慶祝頒獎禮得奬，早前屈老闆請去旅行，陳柏宇笑住話：「好似未應承，佢唔提，我哋繼續提，就算唔俾我哋去，起碼都反對，兩頭唔到岸唔得㗎嘛！」太太有冇屈去旅行慶祝？佢笑住話：「有呀，屈得好勁，因為之前借咗一大筆錢，o依家要還利息，不過月底會同太太去泰國旅行。」
之於陳柏宇話月底會同太太去泰國旅行。
(蘋果日報)
