新手媽媽容易雞手鴨腳，以育有得意囡囡梁浸浸嘅藝人鄭希怡（Yumiko）為例，兩母女於去年一齊拍攝內地親子節目嘅時候，梁浸浸因為患病加上唔適應新環境而喪喊兼狂扭計，搞到佢束手無策，一度情緒崩潰喊埋一份！
事後Yumiko被網民狂轟用手機氹女嘅方法有誤，幸好佢哋兩母女經過時間磨合及了解後，關係更勝從前。
Yumiko昨日將梁浸浸嘅新「肉照」上載到社交網，人仔細細嘅梁浸浸猶如Model上身，喺吊床上擺出享受日光浴嘅甫士。
雖然梁浸浸只喺得兩歲幾，但肉腿出奇地修長，以後大個分分鐘比佢1米73嘅媽咪仲高添！
(on.cc東網)
