新浪娛樂訊 1月12日晚，趙雅芝微博曬出周潤發探班新片《八個女人一台戲》的照片，許文強馮程程《上海灘》後再同框，引人回憶。
（趙雅芝微博圖片）
趙雅芝微博貼咗幾張發哥突擊探班嘅相，寫道：「文強來探班，大家都雀躍不已！發哥還製作了一張黑白效果圖片。」
（趙雅芝微博圖片）
有圖有真相，只見發哥好親切咁攬住趙雅芝，同場仲有《八個女人一台戲》導演關錦鵬、著名美指文念中，梁詠琪同周家怡。發哥一身跑山look，笠咗個頭箍，額前長髮就好似窗簾布咁呈拋物線再跌番落嚟，相當趣致。
梁詠琪周家怡 （趙雅芝微博圖片）
趙雅芝就話，佢哋喺元朗開工期間，發哥帶埋燒鵝探班，之後再去跑步，跑完又返番嚟同馮程程再續未了緣。其實發哥俾人「捕穫」都好正常，呢期就更加，因為佢依家成日約埋新戲《無雙》嘅crew，同埋方中信、智叔廖啟智等成班人浩浩蕩蕩日日去跑山，足跡遍及香港九龍新界離島。
文念中、關錦鵬 （趙雅芝微博圖片）
(蘋果日報/新浪)
