-
早前鄭秀文（Sammi），擔任由王梓軒（Jonathan）主持嘅節目《V My Guest》嘉賓大談近況，當中講到剛完成兩部電影《聖荷西謀殺案》及《午夜慢車》，前者不是要跟阿Sa蔡卓妍拍嗌交戲，後者就要為角色勤練四川話。而當王梓軒問到Sammi最想同邊位男影星再合作，Sammi就揀咗只合作一次，但已經回味無窮的張孝全。
圖左為張孝全
Sammi現身王梓軒主持的節目，大談近況。
Sammi跟張孝全合作過《合約男女》後，便回味無窮想再Encore。Sammi講到早前完成拍攝內地電影《午夜慢車》，透露為了這部戲她每天學四川話，現在蠻流利的。不過更有趣是這部電影，是她首次跟攝影大師杜可風合作，對於大師的佻皮，Sammi笑住答：「佢每日都有撩我！雖然佢已經60幾歲，但整個人都充滿活力、充滿幽默感，對美的看法又非常不一樣。」
問到將來想同邊個合作拍戲，王梓軒先拋出老公許志安的名字，殊不知Sammi即刻耍手擰頭：「我唔想，佢都唔想，所以唔會刻意去做，儘量想生活同工作分開。」至於想合作的真命天子，Sammi就俾咗張孝全。「因為同張孝全拍咗一部《合約男女》，發現大家喺演戲上嘅想法幾合拍，一次唔夠喉，想再合作多一次！」
提到合作無間嘅杜琪峯，王梓軒在《三人行》中都有跟杜Sir合作，覺得他工作時好惡，Sammi聽到就好大反應笑住反問：「佢好惡嗎？應該是有要求吧！我唔敢話佢惡，只係有威嚴。跟他熟了，就不怕，他是對事不對人，私底下他其實是老玩童，好似小朋友咁。」
鄭秀文與蔡卓妍在《聖荷西謀殺案》當中有不少嗌交場面。圖中為導演潘源良。(HK01)
