《誇世代》星期五晚就大結局，有睇預告都知，套劇真係「誇世代」，講到去埋2047年，香港已經變成一個廢墟，仲有個大魔王！
日前嗰集講到核爆令香港變廢墟，大部分人類變成喪屍，仲出現政府軍同叛軍，而政府軍就係大難不死，間接改變咗因果嘅陳豪，佢仲叫自己做宇宙大王！叛軍首領就係宋仲基，即係歐陽震華，兩派打嚟打去，結果點真係今晚先知。
之旦係套劇乜都玩一餐，又回到未來又蝴蝶效應又walking dead，睇到人都精神分裂，不過唔少網民就開始覺得大台今次幾有創意，唔通由膠劇變神劇？
陳豪出席活動後就話，自己好鍾意個大結局：「其實今次創作幾大膽。我諗我拍咁耐劇，未試過個大結局可以變到咁緊要。所以套劇可以跳開咗個框框，我係欣賞嘅。」
（SINA）
