呢份心酸苦楚，相信旁人未必能感同身受。。。
台灣歌手劉畊宏喺圈中發展平平，直至去年上大陸綜藝節目《爸爸去哪兒5》，攜同可愛二女「小泡芙」出鏡，而人氣急升，接咗唔少大陸廣告。
劉畊宏錄完《爸爸5》後，佢同小泡芙就上節目《萌仔萌萌宅》，又係啲大陸真人騷，有一集講佢同袁弘傾偈，再次講老婆王婉霏曾患子宮肌瘤，檢查出子宮長6顆肌瘤，被告知恐不孕。
劉畊喺節目中指當得知老婆患子宮肌瘤時，劉畊宏兩公婆原本係冇打算生小朋友，忽然比以往任何時候都更渴望有一個自己嘅小朋友，從最初唔想生B，到不能生B，正如「被寵愛的都有恃無恐，得不到的永遠在騷動」，呢份心酸苦楚，相信旁人未必能感同身受。
當時劉畊宏同老婆王婉霏去醫院做檢查時，又被人影到，結果引起外界輿論壓力，加上內心痛苦，佢哋飽受折磨，每一次滿懷期待，但每次陷入失望，心情起伏好大，最終王婉霏都成功懷孕，陀兒子「小宇恩」，喺2013年趁生B時割咗兩粒肌瘤，一年內又再增生兩顆回來，但依舊能自然懷孕，生下二女「小泡芙」及細女「姍姍」。
(蘋果日報)
