前港姐陳茵媺（Aimee）出席隱形眼鏡品牌活動。談及小朋友保護眼睛健康的秘訣，Aimee表示做了媽媽之後學懂着重這方面，因為現在不單止要照顧自己，她亦喜歡上網搵資料關於如何保護小朋友的眼睛，以及令他們保持健康的食物。Aimee表示：「諗番以前媽咪點樣照顧我，依家用番落小朋友度。」她又認為現時科技比以前大大不同，現今是更需要重視眼睛的時代：「以前冇咁多電腦同手機，依家無論大人同小朋友都成日拎住電話。（驚小朋友有近視？）都驚，佢哋返學花好多時間用科技學習，作為父母都教識小朋友點保護眼睛。（會否限制仔女睇電視？）佢哋仲細，仲可以控制，有時會限佢哋只睇10至20分鐘，睇一集就停，咁佢哋都好乖。」
開心Share育兒心得
Aimee認為小朋友都很講求習慣，所以讓他們從小就要習慣規矩：「就算熄佢哋嘅電子器材機都唔會扭計，之後畀佢哋畫畫同做吓手工藝訓練到手指靈敏性，或者出去行吓望啲遠嘢，會對小朋友成個人健康好啲。」問到有了小朋友後，可有減少自己玩手機的習慣？她坦言一直不是經常玩，但是做藝人需要活躍於社交媒體上：「呢個年代唔可以話唔畀小朋友玩，但最重要教識點自我控制同調節，等大個咗父母唔喺身邊都會識。」談及老公陳豪近日經常玩社交網站，問到可有請教她？Aimee說：「其實我請教佢，佢買好多production用嘅架生，反而教番我轉頭，社交媒體係一個同粉絲溝通同互動嘅方法，行業係需要用，所以我唔可以控制自己唔用。」
鍾意老公練大隻
此外，提到陳豪憑無綫劇《誇世代》有份角逐視帝，問到可有在小朋友學校向其他家長拉票？她說：「唔使啦，佢一定得㗎！我一定會支持佢。依家好多人都鍾意佢個角色，有時出到街見到我都話『我好鍾意你老公』。（女粉絲多？）男女都有，佢依家弗咗好多，男仔都會鍾意，我又鍾意佢健康咗，小朋友又話想同佢一齊練。」
陳茵媺狀態大勇
陳茵媺開心Share育兒心得 ~
勁幸福！
(ON.CC)
