藝人任達華與衛詩雅於電視城為無綫節目《big boys club》擔任嘉賓，宣傳英皇電影新片《我的情敵女婿》，任達華笑謂2018年要為衛詩雅找男友，笑指對方拍戲時見她皮膚乾缺乏滋潤，並謂：「詩雅識游水，佢蛙式，做佢男人就要識背泳，咁樣可以一路望住佢一路游，做佢背後嘅男人！」另一半要有任達華咁型
攬到咁實 怕唔怕阿嫂嬲啊?
詩雅就表示與任達華拍戲後，對伴侶的要求變高，因為對方好型！更透露曾在片場見過對方與太太傾電話，覺得好sweet：「我有問過華哥點知嗰個人係你Mr.right，佢話一望就知。（信有一見鍾情？）我信㗎！」
有意重返TVB拍劇
戲中的任達華分別與劉嘉玲及衛詩雅「兩母女」拍拖，現實中可曾試過？任達華笑言：「我咁細個梗係無啦，不過未試過唔等於無，演員就可以體驗到好多現實生活中嘅事！」
他亦透露離開TVB十六年，今次返到TVB更送上其攝影集給梁材遠，被問若TVB力邀會否返來拍劇？他說：「等我完成出面嘅工作先，想出年再原班再拍一部！」詩雅則謂任達華在片場內常擔任攝影師，有好幾個鏡頭都是由他負責。
(東方日報)
