藝人胡定欣貴為無綫花旦，工作排山倒海，但呢日佢依然抽時間做運動，仲無懼寒冬騷出纖腰大晒結實腹肌，真係睇見都羨慕，佢留言話：「天氣凍，要離開暖粒粒既（嘅）被窩真係好難…唔好諗咁多，堅持，要起身做運動…」之後又不忘溫馨提示大家：「DONE!! 大家記得著（着）夠衫，要保暖啊！！❤」
寒冬都無礙定欣做gym，好勁呀！
之後單身嘅定欣就自爆搵「帥哥」「尋開心」，佢上載三人合照，留言話：「在我還沒有伴的日子，兩位帥哥就先陪我一下，說說笑笑，逗我開心，給我一點歡樂。好朋友就是這樣…陪伴！～」究竟呢「兩位帥哥」係邊個？
就係各自都有拖拍嘅袁偉豪同陳山聰，雖然兩人都有女友，但絕對唔會有異性冇人性，果然係好朋友呀！
山聰氹到定欣好開心
定欣微博照片
(東方日報)
