吳日言(Yan)前年突然公佈婚訊，喺沖繩同秘密拍拖17年嘅男友Barry結婚。
今日凌晨阿Yan喺fb同ig到放閃，貼出同老公嘅sweet sweet合照，佢留言話：「18年前跟你一起，同樣的日子，你曾經許下了承諾，今天我們要努力做。」
阿Yan喺「努力做」後面就加一個貼圖，呢個貼圖真係令人充滿遐想…咁阿Yan為咗釋除大家嘅疑慮，係hashtag到即時解畫：「#幸福人妻 #未有B呀」
原來係阿Yan同老公相識十八周年紀念日，老公仔當然要送吓花o氹下老婆，見到阿Yan都笑得好開心，咁點解阿Yan要特別提話自己仲未有BB呢，是咁的，因為去年佢喺曾經喺社交網留言話「我們仨」，當時就已經引起大家嘅誤會，以為佢造人成功，當時阿Yan出席公開活動時就話過想18年生BB，因為狗年BB會同佢好夾，而佢老公生肖就係屬狗，希望佢好快就會有好消息公佈啦！
(蘋果日報)
