以前做女藝人，好多都結咗婚生咗小朋友就主力照顧小朋友，但年代唔同咗，o依家好多女藝人就算做咗媽媽，都會照出嚟做嘢。
楊千嬅09年嫁畀丁子高，之後喺12年生埋囝囝丁進諾（Torres），o依家Torres 5歲喇，千嬅喺娛圈都仲係咁活躍，早前仲開埋跨年演唱會。
謝安琪（Kay）07年同張繼聰結婚，同年就生咗囝囝張膽，之後阿Kay都一直有出歌同拍戲，上年仲生埋囡囡張靖，以為佢會休息下，但阿Kay都選擇繼續唱歌，相信好多fans都等緊阿Kay嘅新歌。
陳敏之14年嫁畀做生意嘅老公雷偉信，前年12月就生咗囝囝雷子樂，敏之生完之後仲keep住咁fit，拍劇都仲好吸引，最近仲喺《溏心風暴3》演第三者成熱話。
楊穎（Angelababy）喺15年同黃曉明結婚，去年初生咗小海綿，之後Baby一路都有喺大陸拍劇。
(蘋果日報)
