藝人陳慧珊首度與老公鍾家鴻齊齊現身幕前，到尼泊爾拍攝ViuTV節目《周生生呈獻：婚姻五重奏》。雖然老公平時連公開合照都不肯，但陳慧珊認為今次一定要兩夫妻拍住上，才能完整地分享婚姻的意義。
陳慧珊（Flora）與老公鍾家鴻（Mike）、樂隊Mr.鼓手Tom及太太何思諺（Leanne）、前女騎師江碧蕙（Sherie）與新婚丈夫Jerome及兩對素人夫婦等，昨日到九龍灣出席ViuTV節目《周生生呈獻：婚姻五重奏》記者招待會。赴尼泊爾拍攝的Flora指當地物資不算豐盛，故特意帶同女兒去感受：「佢冇出鏡，但佢見到學校啲設施好簡單，就知道自己好幸福，又睇到當地人好開心、好感恩。」
問到同丈夫喺旅程中有冇增進感情？佢話：「不嬲都咁好，我10幾歲就識阿Mike（鍾家鴻），我同我前夫去接佢同太太（前妻）飛機，就係第一次喺波士頓識嘅，同佢前妻又係好朋友，大家仍然有聯絡，所以我哋互相好清楚了解。」
在節目中「婚」享經驗的Flora坦言，與老公互相了解及支持，希望能鼓勵大家正面面對問題：「呢樣都係婚姻要做嘅嘢，婚姻最重要係承諾。如果無論如何都要一齊，中間過程係點，大家都會好開心。」說到Mike首次為節目出鏡，Flora認為有需要：「有啲嘢一定要兩夫妻一齊做，如果我單獨講就冇咁完整。」
至於到伊朗拍攝的Tom及Leanne透露出發前曾經爭吵，由於當地最近發生恐襲，Tom的隊友及好友紛紛叫他倆不要去：「佢哋話我仔細老婆嫩，去就不負責任。我諗咗好耐，真係有個嚴重性。」他曾提出改地方或延期，但愛旅行的Leanne卻不太擔心，笑言出發前朋友都擔心他們會死，自己亦想過要寫遺書。
提到兩人很早就結婚生子，Tom坦言兩人一直忙於工作，沒時間消化及討論這段婚姻，今次節目正好是個回顧機會，但又自言怕死：「我睇好多戰爭片，有好多想像，諗過如果當時有架車截停我哋，咁就完喇喎！」問到可覺得太太很任性？他笑言要「美化」去講，讚對方很「硬淨」：「如果唔係點樣廿幾歲生個小朋友出嚟？我哋經歷咁耐。」
江碧蕙（Sherie）與新婚丈夫Jerome遊蜜月勝地塞舌爾首都維多利亞拍攝，她形容有再度蜜月的感覺，又感激節目令她夢想成真：「成日同馬影相，但由細到大都夢想喺海灘影一輯策騎相，今次實現咗好開心。」問到可有特別扮靚去影相？她透露本來打算穿平時策騎服裝：「導演話咁咪嘥晒？所以今次着咗長裙，有飄逸嘅感覺。」提到丈夫準備了驚喜燭光晚餐，她讚對方浪漫：「聽到海水撞落餐廳，幾得意！（佢平時都咁浪漫？）一定係啦，法國人嘛！」
(蘋果日報/on.cc東網)
