有不少女生每逢週末都會聯同好閨蜜一齊約下飲High Tea，食下正嘢影下靚相呃like咁。但TVB女藝員白雲同阮兒就無咁好彩喇，事關昨日她在facebook上載了在淺水灣一間餐廳被騙的經歷，更嚴重到表示是「這輩子吃過最垃圾的下午茶！」白雲深感不忿，想到餐廳評價網站寫上自己的經歷，可惜遭網站禁止，讓她不得不在Facebook抱不平！事後白雲接受訪問時表示，「其實嗰日係玩得好開心，只不過係其中一樣食物發霉，我覺得好唔應該，關乎衛生問題。」
TVB女藝員白雲(右)同阮兒(左)日前到淺水灣high tea，點知竟然受騙。
食物發霉
藝人白雲
原本餐廳發放的水晶屋的圖片係咁
點知道白雲去到就變咗下面果張……
究竟呢個下午茶有幾垃圾？白雲在Facebook中就列出4種罪，「1.鬆餅是壞掉發毛的！2.咖啡是涼的，因為奶是冷凍的。3.蟹肉tart超腥。有一款三文治味道和麥當勞魚柳包一模一樣。4，除了一款甜品，其他甜點都只有甜精味！」她更表示叫嘅水要另外要俾70蚊，而整個tea set每位更盛惠400大元，白雲指出食物唔好食都算，就連餐廳最大嘅賣點「水晶屋」都令人失望，大罵眼前見到的是一片蔬菜塑膠大棚般的露營帳棚！但她接受訪問時重申，當時還是影了好多相，「靚唔靚就見仁見智，我地係早去，可能夜晚會靚好多。」至於連水都要70蚊，白雲就解釋，「之後先知道係外國牌子嘅有氣嘅水，都算係合理嘅。」
而白雲在post文末亦指經過與朋友們分析後，認為餐廳方面只是租了地方做幾個月生意，目的只為了賺錢後走人，所以餐廳要提前早付錢，「最可笑是看到其他客人都十分黑面，但服務生們仍態度很好！可見已然慣之！」事後，阮兒亦有在白雲facebook的post留言，並上載自己在餐廳評價網站留下的評論遭對方刪除，希望大家不要再到該餐廳消費！
阮兒在Facebook上載了自己遭餐廳刪除的評論(左)之外，亦有上傳其他消費者被騙的經歷。
(FACEBOOK / HK01)
