【個心好唔舒服…】模範爸爸Bob：下毒手嘅壞人一定要繩之於法

藝人林盛斌（Bob）育有三女一子，為了一頭家盡心盡力工作，亦相當愛錫家人，是圈中的模範老公同爸爸。對於日前屯門一名五歲女童「臨臨」，疑遭親人虐待，被揭遍體鱗傷失救致死。而其八歲兄長亦被發現全身有類似傷勢，兩兄妹疑遭虐打。林盛斌透過社交網上載了一張寫着「Prayer」、燃點着的蠟燭相片，留言表示希望「臨臨」可以得到安息，亦希望她八歲的哥哥可以早日康復。

林盛斌留言表示：「唔好話打，有時自己惡咗，鬧大聲咗，個心都會好唔舒服，因為佢哋只係小朋友，到底心腸要去到幾惡毒先會虐待自己嘅仔女，毫無憐憫地令到佢哋失去寶貴嘅生命呢？希望臨臨妺妹得以安息，願她一路好走；祝福佢哥哥未來日子要堅強振作，早日康復；而下毒手嘅壞人一定要繩之於法，得到制裁。」